پاکستانی مسیحی نوجوان کو اتوار کے روز کام کرنے سے انکار پر گولی مار کر جابحق کردیا گیا۔ تفصیلات کے مطابق شیخوپورہ کے 20 سالہ مسیحی نوجوان نعمان منیر مسیح کو علاقے کے ایک بااثر مسلم شخص دانوں چدھڑ نے اسکے گھر کی صفائی سے انکار پر گولی ماردی۔ برٹش پاکستانی کرسچئین ایسوسی ایشن کی رپورٹ کے مطابق نعمان جو کہ ایک خاکروب ہے اتوار کے روز کام کرنے پر آمادہ نہیں تھا جس پر دانوں چدھڑ ہتاش ہوگئے۔
واقعے کی تفصیلات کے مطابق دانوں چدھڑ نے نعمان کو دھمکی دی کہ وہ اسکی ٹانگیں توڑ دے گا اور اسکے جسم کو گولیوں سے چھلنی کردے گا۔ اس تلخ کلامی کے تین روز بعد دو حملہ آوروں نے مسیحی نوجوان نعمان پر گولیوں کی بوچھاڑ کردی جس سے نعمان موقع پر ہی جابحق ہوگیا۔ واقعے کے مرکزی مجرم دانوں چھدھڑ کو پولیس نے گرفتار کرلیا ہے تاہم اسکے خلاف کوئی قتل کی دفعات درج نہیں کی گئیں۔