ایسٹر ریلیف پیکج کے تحت مستحق مسیحی خاندانوں میں امدادی چیک تقسیم کیئے گئے۔ تقریب میں لاہور کے ڈپٹی میئر آف میٹرو پولیٹن کارپوریشن وسیم قادر نے بطور مہمانِ خصوصی شرکت کی اور مسیحیوں میں چیک تقسیم کئے۔ تقریب کا انعقاد موری گیٹ میں مسلم لیگ (ن) کے دفتر میں کیاگیا جس میں ہر مسیحی کو 5000روپے کا چیک دیا گیا۔ وسیم قادر کی جانب سے کل 47چیک تقسیم کیئے گئے۔تقریب سے دورانِ خطاب ڈپٹی میئر نے کہا کہ پاکستانی مسیحی برادری قوم کی ترقی اور بہتری میں اہم کردار ادا کررہی ہے۔ پاکستان میں غریب اور مستحق مسیحیوں کی مدد کرنا حکومتی ترجیحات میں شامل ہے۔