اسلام آباد(مانیٹرنگ ڈیسک)پاکستان میں آخری مرتبہ مردم شماری 1998میں ہوئی تھی اوردودہائیوں کے بعد رواں سال 2017میں مردم شماری ہوئی ہے ۔اس مردم شماری کے ابھی تک حتمی نتائج سامنے نہیں آئے ہیں تاہم اس مردم شماری کے غیرحتمی اعدادوشمارکے مطابق ملک کی آبادی 20 کروڑ سے بڑھ چکی ہے اور ایک اندازے کے مطابق ملک میں ہندو شہریوں کی تعداد 25لاکھ سے 50لاکھ کے درمیان جبکہ مسیحیوں کی تعداد 20لاکھ سے 1کروڑتک بتائی جارہی ہے ۔اس کے حوالے سے اقوام متحدہ کے ادارہ برائے آبادی وفنڈزکے مشیرنینسی سٹیگلرنے ایک غیرملکی خبررساں ادارے سے گفتگوکرتے ہوئے کہاکہ مردم شماری پاکستان کی نہ صرف اقلیتی برادریوں بلکہ پورے ملک کی منصوبہ کے لیے اہم ذریعہ ہے۔تاہم ملک میں ہندو اورمسیحی شہریوں کی حتمی تعداد مردم شماری کے اعدادوشمارکااعلان ہونے کے بعد سامنے آئے گی