عمر کوٹ: گٹر صاف کرنے والے خاکروبوں میں سے ایک خاکروب عرفان مسیح کی ہلاکت اور تین خاکروبوں کی بیہوشی کے واقعے کا نوٹس خود پیپلز پارٹی کے چیئر مین بلاول بھٹو زرداری نے لے لیا اور سول ہسپتال عمر کوٹ کے ڈاکٹروں کیخلاف کاروائی کا احکام جاری کردیئے۔ جبکہ وزیرِ اعلیٰ سندھ مراد علی شاہ کی جانب سے ہلاک ہونے والے خاکروب عرفان مسیح کے ورثاء کیلئے 10لاکھ روپے اور ایک ملازمت دینے کا اعلان کردیا ہے۔ اسکے علاوہ بے ہوش ہونے والے تین خاکروبوں کیلئے دو لاکھ روپے معاوضہ دینے کا اعلان بھی کیا گیا۔
اس سلسلے میں صوبائی وزیر نواب تیمور تالپور نے متاثرین سے تعزیت کی اور وزیر اعلیٰ سندھ کی جانب سے معاوضے کے طور پر مذکورہ رقم دینے کا بھی اعلان کیا۔معاملے کی تفتیش کیلئے دو رکنی کمیٹی قائم کردی ہے جو دو دن میں رپورٹ پیش کریں گے۔
