بین الاقوامی

فیس بک کے بانی مارک زکربرگ کی صومالی مہاجرین کیساتھ افطار

منی سوٹا (ویب ڈیسک) فیس بک کے بانی مارک زکربرگ نے امریکا میں صومالی مہاجرین کے ساتھ افطار میں شرکت کی مارک زکربرگ نے امریکی ریاست منی سوٹا کے شہر منی پولس میں صومالی مہاجرین کے گھر پر افطاری کی تصویر فیس بک پر بھی پوسٹ کی اور لکھا کہ انہوں نے زندگی میں پہلی بار افطار کی تقریب میں شرکت کی ہے۔ انہوں نے اس موقع پر مہاجرین کی ہمت کو داد بھی دی اور کہا کہ بطور مہاجر آپ کو یہ معلوم نہیں ہوتا کہ کس ملک میں آپ کا آخری ٹھکانہ ہوگا۔مارک زکربرگ نے کہا کہ انہوں نے 26 برس مہاجر کیمپ میں گزارنے والے ایک شخص جو کہ اب امریکا میں مقیم ہے، یہ سوال کیا کہ کیا انہیں امریکا اپنے گھر جیسا لگتا ہے تو اس نے جواب دیا کہ گھر وہ جگہ ہوتی ہے جہاں آپ جو چاہیں وہ کرسکتے ہیں اور امریکا اپنے گھر جیسا لگتا ہے۔آخر میں مارک زکر برگ نے اپنے میزبانوں کا اس خوشگوار دعوت کے اہتمام کا شکریہ ادا کیا

Related Articles

Back to top button
شیئر کریں