پتو کی (آگاہی نیوز) پتوکی کے نواحی علاقے بر ج مہالم میں با اثر افراد نے مسیحی برادری کے قبر ستان کی اراضی پر قبضہ کرلیا۔قبضہ گروپ کو سیاسی پشت پناہی حاصل ہے جس پر پولیس اور انتظامیہ خاموش تماشائی کا کردار ادا کررہی ہے۔ اس قبضہ کے خلاف مسیحی خواتین ،بچو ں اور معمر افراد نے اقبال مسیح کی قیادت میں احتجاج کر تے ہو ئے وزیر اعلیٰ پنجاب اور ڈی سی قصور سے فوری نو ٹس لینے کا مطالبہ کیا ہے۔مظاہرین نے کہا کہ بر ج مہالم قبر ستان کو قبضہ مافیا سے واگزار کرایا جائےاور یہاں ہمارے اباواجداد کی قبروں کی مسماری نہ کی جائے۔مسیحیوں نے سماجی تنظیموں اور سول سوسائٹی سے اس ناانصافی کے خلاف آواز اٹھانے کی اپیل کی ہے۔