اسلام آباد جی سیون میں مسیحی برادری کی طرف سے ایک کارنر میٹنگ منعقد ہوئی جس میں سی ڈی اے مزدور یونین کے جنرل سیکرٹری چوہدری محمد یٰسین صدر اورنگزیب خان ،چیئرمین راجہ شاکر زمان کیانی و دیگر نے شرکت کی۔ میٹنگ میں فیصلہ کیا گیا کہ اسلام آباد بھر کی مسیحی برادری اپنے اہل خانہ سمیت چوہدری محمد یٰسین کی قیادت میں 25اکتوبر کو شعبہ صفائی کی نجکاری کے خلاف آبپارہ چوک میں پر امن احتجاجی مظاہرہ کرے گی۔
اس موقع پر چوہدری محمد یٰسین نے خطاب کرتے ہوئے کہا کہ مسیحی برادری ہمارامان ہے ہم کسی صورت شعبہ صفائی کی نجکاری کو قبول نہیں کریں گے۔یہ مسیحی برادری اور انکے غر یب خاندانوں کا معاشی قتل ہے۔موجودہ انتظامیہ ملازمین سے روزگار چھیننے کی کوشش کر رہی ہے ایسے اقدامات قبول نہیں کئے جا ئیں گے۔ (آگاہی نیوز)
