سری لنکا کے وزیر دفاع روان وجے وردھن نے بم حملوں کو نیوزی لینڈ کے شہر کرائسٹ چرچ کی مساجد پر ہوئے حملوں کا بدلہ قراردے دیا ۔ تفصیلات کے مطابق سری لنکا کے وزیر دفاع روان وجے وردھنے نے کہا کہ اسلامی انتہا پسندوں نے مارچ کے مہینے میں نیوزی لینڈ کے شہر کرائسٹ چرچ کی مساجد پر کیے گئے حملوں کا بدلہ لینے کے لیے سری لنکا میں چرچ اور ہوٹلز پر حملے کیے۔ سری لنکا کی پارلیمنٹ سے خطاب کرتے ہوئے وزیر دفاع روان وجے وردھنے نے کہا کہ ابتدائی تحقیقات میں سری لنکا میں ہونے والے بم حملوں میں کسی اسلامی انتہا پسند گروہ کے ملوث ہونے کے شواہد ملے ہیں، انہوں نے بتایا کہ اس تنظیم کا نام نیشنل توحید جماعت (NTJ) ہے۔ واضح رہے کہ اتوار کے روز ایسٹر کے موقع پر سری لنکا میں متعدد بم دھماکے کیے گئے جس میں چرچ اور ہوٹلز کو نشانہ بنایا گیا۔
ان بم دھماکوں میں 300 سے زائد افراد ہلاک جبکہ 500 افراد زخمی ہوئے۔ ہلاک ہونے والوں میں 30 غیر ملکی بھی شامل تھے جن کا تعلق امریکہ، برطانیہ، چین، ترکی اور انڈیا سمیت مختلف ممالک سے ہے۔ ان دھماکوں میں چار پاکستانی شہری معمولی زخمی ہوئے تھے۔ ان حملوں سے متعلق کہا جا رہا تھا کہ یہ حملے کسی شدت پسند تنظیم نے کیے ہیں لیکن تاحال کسی تنظیم نے بھی سری لنکا میں ہونے والے بم حملوں کی ذمہ داری قبول نہیں کی۔
یہاں یہ بات قابل ذکر ہے کہ گذشتہ ماہ 15 مارچ کو نیوزی لینڈ کے شہر کرائسٹ چرچ میں النورمسجد اور لِین وڈ میں واقع مسجد میں جمعہ کی نماز کے دوران سفید فام انہتا پسند دہشتگرد نے حملہ کیا ۔ سفید فام انتہا پسند نے مساجد میں داخل ہوتے ہی اندھا دھند فائرنگ کی جس کے نتیجے میں 50 افراد شہید جبکہ متعدد افراد زخمی ہوئے تھے۔ جبکہ رواں ماہ اتوار کے روز ایسٹر کے موقع پر سری لنکا میں دھماکے ہوئے ۔ سری لنکن وزیر دفاع نے سری لنکا میں ہونے والے دھماکوں کے تانے بانے نیوزی لینڈ میں مساجد پر ہونے والے حملوں سے جوڑ دئے ہیں۔ تاہم اس حوالے سے ابھی مزید تحقیقات جاری ہیں۔

ہمیں فالو کریں
تازہ ترین
- قبائلی ضلع کی پہلی مسیحی خاتون پولیس انچارج
- تشدد، انتہاپسندی اور اندھی جنونیت کیلئے مذہب کا استعمال بند کیا جائے: پوپ فرانسس
- جڑانوالہ: 10مفرور ملزمان کی گرفتاری کیلئے چھاپوں کا سلسلہ جاری: آئی جی پنجاب
- ساہیوال: توہین مذہب کے الزام میں مسیحی نوجوان گرفتار
- جڑانوالہ میں متاثرہ مسیحی خاندانوں کو فی کس 20 لاکھ روپے دینے کا اعلان
ٹیگز
آرزو راجا کیس آسیہ بی بی اغوا ایسٹر برٹش پاکستانی کرسچیئن ایسوسی ایشن بھارت توہین توہین مذہب توہینِ رسالت خانیوال دہشتگردی روتھ فاؤ سانحہ یوحناآباد سندھ مردم شماری مندر ویسٹ انڈیز پوپ فرانسس پیر نور الحق قادری چرچ آف پاکستان چوہدری سرور ڈیرن سیمی کامران مائیکل کرپشن کرک کرکٹ گوجرانوالہ ہندو یوحنا آباد یوحنا آباد