علی محمد خان قابل نفرت الفاظ واپس لیں،پاکستان ہندو کونسل

پاکستانی ہندو کمیونٹی کی نمائندہ تنظیم پاکستان ہندو کونسل نے حکومتی وزیر علی محمد خان کے قومی اسمبلی میں قابل نفرت متنازع بیان پر سخت غم و غصے کا اظہار کرتے ہوئے وزیر اعظم عمران خان سے نوٹس لینے کی اپیل کی ہے، ہفتے کو صدر گوپال خامانی اور سیکریٹری جنرل پرشوتم رامانی نے اپنے مشترکہ بیان میں ڈاکٹر رمیش کمار وانکوانی کےساتھ اظہار یکجہتی کرتے ہوئے علی محمد خان کو کڑی تنقید کا نشانہ بنایا، وزیر مملکت علی محمد خان نے قومی اسمبلی کے حالیہ اجلاس میں ڈاکٹر رمیش کمار وانکوانی کی طرف سے کم عمری کی شادیوں کی روک تھام کیلئے پیش کردہ بل کی مخالفت کرتے ہوئے مبینہ طور پر کہا تھا کہ کم عمری کی شادیوں پر پابندی کا یہ بل اسلام کے منافی ہے اور اقلیتی غیر مسلم پارلیمنٹرین کو یہ بل پیش کرنے کا حق حاصل نہیں۔

One response

  1. Hanook Anthony Avatar
    Hanook Anthony