پاپائے اعظم فرانسس نے برکینا فاسو میں کاتھولک چرچ پر حملے اور فادر سمیت مومین کے جاں بحق ہونے پراظہار افسوس کیا ہے۔ویٹی کن کے قائم مقام ڈائریکٹر برائے پریس آفس السنڈرو گسوتی نے اپنے ایک ٹوئٹ میں کہا ہے کہ پاپائے اعظم کو دبولو میں ہونے والے چرچ حملے کے بارے میں سن کرافسوس و دکھ ہوا ہے۔انہوں نے اس حملے میں شہید ہونے والوں،انکے خاندانوں اور پورے برکینا فاسو کے باسیوں کے لئے دعا کی ہے۔ادھر حملے سے متعلق ویٹی کن کو موصول ہونے والی ابتدائی اطلاعات کے مطابق حملہ آوروں کا اصل نشانہ چرچ کے فادرسمعین یمپا تھے جن کو نشانہ بنا کر فائرنگ کرکے قتل کیا گیا۔اس کے علاوہ حملہ آوروں نے راستے میں آنے والے 5 دیگر افراد کو بھی فائرنگ کا نشانہ بنایا۔دریں اثناءمقتول کاہن اور 5 دیگر افراد کی مسیحی جنازہ کی رسومات ادا کردی گئیں۔اس موقعہ پرفادر سمعین یمپا کو شاندارالفاظ میں خراج تحسین پیش کیا گیا کہ انہوں نے اپنے پیرش کے لوگوں کے درمیاں خدمت کرتے ہوئے موت کو گلے لگایا۔
