پاکستانی

ایس ایس پی آپریشنز لاہور کا یوحنا آباد کے گرجا گھروں کا دورہ

ایس ایس پی آپریشنزلاہوراسماعیل الرحمٰن کھاڑک نے یوحنا آباد کے مختلف گرجا گھروں کا دورہ کرکے سکیورٹی انتظامات کا جائزہ لیا۔انہوں نے ڈیوٹی پرتعینات پولیس عملہ اوررضا کاروں کو انتہائی الرٹ رہنے اور لوگوں کو مکمل چیکنگ کے بعد ہی گرجا گھروں میں داخل ہونے کی اجازت دینے کی ہدایت کی۔انہوں نے عملہ کو انتہائی ذمہ داری سے چاق وچوبند رہنے کا کہا۔ایس ایس پی اسماعیل کھاڑک نے دورہ کے موقع پرگذشتہ دنوں ڈولفن اسکواڈ اہلکاروں کی مبینہ فائرنگ سے ہلاک ہونے والی خاتون نسرین کے اہل خانہ سے بھی ملاقات کی۔انہوں نے بتایا کہ اس سلسلہ میں تحقیقات جاری ہیں اورجلد ذمہ داروں کا پتہ چل جائے گا۔ایس ایس پی کا کہنا تھا کہ فرانزک رپورٹ آنے پر پتہ چلے گا کہ متوفیہ پولیس اہلکاروں کی گولی کا نشانہ بنی یا جرائم پیشہ افراد کی۔انہوں نے متاثرہ خاندان کو انصاف کی یقین دہانی کرواتے ہوئے کہا کہ اگر اس واقعہ میں پولیس والے ملوث پائے گئے تو ان کے خلاف سخت کارروائی کی جائے گی۔

Related Articles

Back to top button
شیئر کریں