بین الاقوامی

مودی کا سری لنکا میں دہشت گردی کا نشانہ بننے والے چرچ کا غیراعلانیہ دورہ

سری لنکاپھر سے سرخروہوگا،مودی کا ٹوئیٹ

بھارتی وزیراعظم نریندر مودی نے 10جون کو کولمبو میں اس چرچ کا دورہ کیا، جسے ایسٹر کے روز دہشت گردانہ حملے کا نشانہ بنایا گیا تھا۔بھارتی ٹی وی کے مطابق انتخابات میں فتح کے بعد مودی اپنے پہلے غیرملکی دورے پر مالدیپ کے بعد سری لنکا پہنچے۔
بتایا گیا ہے کہ وہ صدر میتھری پالا سری سینا سے ملاقات کے لیے راستے میں تھے، جب اچانک ان کا قافلہ سیٹ اینتھونی چرچ کی جانب مٴْڑ گیا۔ اپنے ایک ٹوئٹر پیغام میں مودی نے کہا کہ انہیں یقین ہے کہ سری لنکا پھر سے سرخرو ہو گا۔ واضح رہے کہ سری لنکا میں ایسٹر کے روز متعدد مقامات پر ہونے والے دہشت گردانہ حملوں میں ڈھائی سو سے زائد افراد ہلاک اور قریب پانچ سو زخمی ہو گئے تھے۔

Source
UrduPoint

مزید خبریں

شیئر کریں
Close