کمالیہ میں ضرورت مند مسیحی برادری کیلئے امدادی چیک تقسیم

حکومت بے سہارا اور ضرورت مندوں کیلئے فکر مند ،ریاض فتیانہ،نوشین اسرار

اقلیتی رہنما سابق کونسلر اشرف جان سندھو کی جانب سے مقامی چرچ میں ایک تقریب کا انعقاد کیا گیا۔ تقریب میں ایم این اے و چیئرمین قائمہ کمیٹی برائے قانون و انصاف ریاض فتیانہ اور اسسٹنٹ کمشنر و ایڈ منسٹریٹر نوشین اسرار نے مسیحی کمیونٹی سے خطاب کرتے ہوئے کہا کہ موجودہ حکومت بے سہارا اور ضرورت مندوں کے لئے فکر مند ہے ، پاکستان کے آئین اور قانون کے مطابق اقلیتوں کو مذہبی آزادی اور برابری کے حقوق حاصل ہیں ۔ محدود وسائل کے باوجود غریب مسیحی خواتین اور مرد حضرات کے لئے مالی امداد کے چیک حکومت کی طرف سے آپ کے لئے تحفہ ہیں ۔ تقریب میں پاکستان بیت مال کی جانب سے غریب مسیحیوں کے لئے مالی امداد کے چیک تقسیم کئے گئے ۔ تقریب میں لیفٹیننٹ صادق مسیح، پاسٹر امین شوکت ، ڈپٹی ڈائریکٹر محمد عامر ، سابق سٹی ناظم رائے زبیر اﷲ خاں ، رانا خرم عباس نیک ایڈووکیٹ اور دیگر مسیحی برادری نے بھی خصوصی شرکت کی۔