بین الاقوامیپاکستانی‏مسیحی خبریں

آرچ بشپ آف کنٹریبری کو پاکستان کی جانب سے مذہبی اقلیتوں کی فلاح و بہبود کے حوالے سے بریفنگ

اسلام آباد: (ملت) مشیر خارجہ سرتاج عزیز نے کہا ہے کہ پاکستان کی ترقیاتی سرگرمیوں میں مسیحی برادری کا نمایاں کردار ہے۔ حکومت نے مذہبی اقلیتوں کی فلاح و بہبود اور تحفظ کو یقینی بنانے کی غرض سے اقدامات کے علاوہ اقلیتوں کیلئے پارلیمنٹ و صوبائی اسمبلیوں کی مخصوص نشستوں میں اضافہ کیا ہے اور سرکاری ملازمتوں میں پانچ فیصد کوٹہ بھی مختص کیا ہے۔ یہ باتیں انہوں نے آرچ بشپ آف کنٹریبری جسٹن ویلبے کو پاکستان حکومت کی جانب سے میں مذہبی اقلیتوں کی فلاح و بہبود کیلئے کئے گئے اقدامات کے حوالے سے بریفنگ دیتے ہوئے کہیں۔ دفتر خارجہ کے ترجمان کے مطابق آرچ بشپ آف کنٹریبری نے ہفتہ کو دفتر خارجہ میں مشیر خارجہ سے ملاقات کی۔ آرچ بشپ کا خیر مقدم کرتے ہوئے مشیر خارجہ نے ملکی ترقیاتی سرگرمیوں میں پاکستان کی مسیحی برادری کے نمایاں کردار کو اجاگر کیا اور پاکستان سمیت خطے میں تیزی سے بدلتی ہوئی صورتحال کا جائزہ پیش کیا۔انہوں نے آرچ بشپ کو پاکستان میں جمہوری اداروں کے استحکام میں پیش رفت ،موثر انسداد دہشت گردی مہم اور اقتصادی احیاء سے آگاہ کیا۔ ترجمان کے مطابق دونوں رہنماؤں نے دنیا بھر میں تشدد کے اسباب کے حوالے سے امور پر تبادلہ خیال کیا اور بین المذاہب ہم آہنگی کو فروغ دینے میں مذہبی رہنماوں کے کردار پر زور دیا,آرچ بشپ آف کنٹریبری نے دہشت گردی کیخلاف جنگ میں پاکستان کی قربانیوں کا اعتراف کیا اور اقلیتوں کے حقوق کے تحفظ کیلئے حکومت پاکستان کے اقدامات کو سراہا۔

Related Articles

Back to top button
شیئر کریں