پاپائے اعظم فرانسس کاکہنا ہے کہ نفرت انگیز دہشتگردانہ اعمال کے خاتمے کی خاطر یورپی باشندوں کو مہاجرین کا کھلے دل سے استقبال کرنا چاہئیے۔ محبت سے ہی نفرت کا خاتمہ ممکن ہے۔
غیرملکی خبررساں ادارے کے مطابق اپنے ایک بیان میں پاپائے اعظم نے کہا کہ میں آپکی حوصلہ افزائی کرتا ہوں کہ آپ اپنے گھروں اور شہروں میں مہاجرین کا استقبال کریں۔ مہمان نوازی اور محبت اس لئے ضروری ہے تاکہ یورپ آنے کے بعد انکا پہلا تجربہ برانہ ہو،بے آسرا مہاجرین کو اپنی راتیں سرد موسم میں سڑکوں پر نہیں گزارنی چاہئیں بلکہ انہیں آپ کی طرف سے گرم جوشی ملنی چاہئیے۔
